Mia simesane aya: ye na si nyô j'ébo mvo'e, ye su'ulan ve minju'u été? A nji bo beta évemba'a jam nge bôte abui ya si nyô ba simesane na minju'u ya si nyô ve nenenen (ve osu). Eyon éziñ aval mbia nyeñan mam ate a sô amu bia nyiñ metum ya mbia mefôe été, nge na amu bia yeme angôndô ajô kalate "Beta Mewosan ya Yop a Si" a liti ne fômolé: nale ate na jam éziñ d'adeñele mvo'é ya si nyô, ve bi ne te ngul ya va jam eté.

Amu nalé kalate "Beta Mewôsan ya Yop a Si" a je liti ve metat'a ya minju'u mi a bo na mote a binam a sibi (viele). A titi fe beta mewôsan m'abobane zañ Yesus ba Satan; minkumkane ya été mi ayené a wo'otane a zeñe ya mbia b'akoñ ebôtezele, nzametané (ezezame) bibua mevale meva, mewû, mbia wo'ane bôte. Ajô te kalate nyina été d'ayené na minju'u mi be'e asu môte a binam, ve akôsa bo nalé, d'ayene fe na mvo'e é bili ndañ be Yesus, a na abé é bili fe ngume éyoñ amu d'aye mane. Nde nge w'akômbô yange mfefé si w'asô be Zambe yop mfa'a ya tyendé si nyô; lañ kalate nyina.