የዓለም ሁኔታ እየተሻሻለ ወይስ እየተባባሰ ነው ብለው ያስባሉ? በዚህ ዘመን አብላጫው ህዝብ ዓለም እየባሰበት እንደሆነ ያምናል። ይህ ዓለም-አቀፋዊ ኢ-ተስፈኝነት ምናልባት በመጥፎ ዜናዎች የመጥለቅለቅ ልማድ ውጤት ሊሆን ይችላል፤ ወይም ደግሞ በዚህ መጽሐፍ ዕምብርት የቀረበውን ዓለም-አቀፋዊ ውጤት የሚያስከትለውን ታላቅ እውነት እንዲሁ በተፈጥሮ ስለምንገነዘበው ይሆናል፦ በፕላኔታችን አንዳች ልክ ያልሆነ፣ በእጅጉ የተበላሸ ነገር አለ፣ እናስተካክለውም ዘንድ አቅመ-ቢሶች ሆነናል። ታላቁ ተጋድሎ የሰብዓዊ ዘርን የመቆርቆዝ ምንጭ (መነሻ) የሚገልጥ ብቻ ሳይሆን በወረርሽኞችና በአደጋዎች፣ በሙስናና በእልቂት፣ በግድያና በብጥብጥ ጫጫታ ሥር እየተቀጣጠለ ያለውን እጅግ ግዙፍ ትግልም እንዲሁ ይገልጣል። በዚህ አስገራሚ ሥራ፣ ክፋት ፊት እንዳለው፣ መልካምነት የሚያሸንፍለት እንዳለው፣ ኃጢአትም መቋጫ እዳለው ይደርሱበታል። ለዚህ ዓለም መጨረሻ፣ እንዲሁም ሊመጣ ላለው ክቡርና አንፀባራቂ ዓለም መዘጋጀት ከፈለጉ ይህንን መጽሐፍ የግድ ማንበብ ይኖርብዎታል።