Kandic hei sii ranv gut nic, gay ranv pat cho, nang tabui ning bo? Ngaksak tuang makna, maansei geih langv rui Lwmmei thu kandih hei sii ranv guang the. Kandih khou ning laanhmei rui padikmei hei gay makmei chamv nking langv tina bam nuh e, hamh e thei, mi latrik khou hyloumei kandih ta tii kalaih nimei nchumhmei ta thay bam tina khwang the: aniu kandic hei sisuai daic hakmei nai the tiki mitei aniu rui kasiamh ntwn ngam makge.

Daihmei Athungmei hei maansei sii keymei bangbi lyanloumei na hamhna, sii kanmei ravpyan rihpyan, meicguatmei lev zeimu zeihaeng keymei, swluai swtiatmei lev ping rouhmei ding khou karamc ryanra hak bammei ta ndauhlou tuang e. Mituang ngaksakmei taanv khou hei siimei nic kazaw nai e, gaymei rui rih ngam e, khatnic paapc hei nganv mei nai e twmei howpat pwni. Mi kandic nganvlou nimei khang rui chamdaanv na hymdaihmei kandic thangc tat nii e thei, mi latrik hei paac o.