Nooteekateeka ngu ensi eriyo neeyeyongyera kuba nungi nari neeyeyongyera kuba mbi? Kitakutangaaza kushanga ngu abantu baingi ebiro ebi nibaikiriza ngu ensi eriyo neeyeyongyera kuba mbi. Noobaasa kushanga emitekyerereze egi erikuretwa amakuru mabi ga bur’izooba, nari shi nitumanya amazima agarikubaasa kutengyesa ensi agarikushangwa omu kitabo eki: Hariho ekishobire munonga omu nsi yaitu kandi titwine bushoboorozi n’obu gaakuba amaani g’okubaasa kukigarura omu buteeka.

Ekitabo Orugamba Oruhango tikirikworeka oku abantu baagwire kwonka, nikyongyera kyoreka orugamba oruriyo nirubaho enyima y’ebiri kureebeka nk’endwara nyamwita ezirikujanjaara omu nsi yoona hamwe n’akabi kaingi, oburi bw’enguzi hamwe n’okusheesha eshagama, okwitana hamwe n’akatabanguko. Omu murimo ogu ogurikutangaaza noija kumanya ngu ebibi byona ebirikubaho byine mukama waabyo, n’ebirungi byine orikureetera byabaho, kandi ngu n’ekibi kyine muheru. Waaba nooyenda kweteguurira omuheru gw’ensi egi hamwe n’okwija kw’ensi enungi ey’ekitinisa, oshemereire kushoma ekitabo eki.